Ередивизие е дом на најдобрите холандски фудбалски клубови. Во оваа лига се натпреваруваат тимовите од калибарот на АЗ Алкмар, ПСВ, Гронинген, Ајакс, Фејенорд, Твенте и Херенфен.
Низ годините, Ередивизие секогаш ги окупираше најдобрите места на лиги според коефициентот на УЕФА, а моментално се наоѓа на шестото место на листата на најквалитетни лиги во Европа.
Преку Sport365, можете да ја погледнете моменталната табела на холандската Ередивизие и да ги пратите најновите резултати во ова натпреварување. Сите податоци се навремено ажурирани од страна на нашиот тим, а табелата, како и натпреварите во Ередивизе можете да ги пратите на вашиот десктоп или мобилен уред.
Факти за Ередивизие
Ередивизие е дом на најдобрите холандски фудбалски екипи од 1956 година. Од своето формирање до 1962 година во оваа лига се натпреварувале 18 тимови. Форматот се менува во периодот помеѓу 1962 и 1966, кога во првата лига настапувале 16 екипи. Од 1966 до денес лигата брои 18 екипи.
Најтрофеен клуб е Ајакс, а зад него се ПСВ, Фејенорд и Ден Хаг. Овие тимови се единствени кои имаат двоцифрен број на титули. Ајакс е единствената екипа која има освоено над 30 титули во лигата.
Топ три играчите со најмногу настапи во лигата се голмани:
- Пим Досбург (687 настапи)
- Јан Јонгблоед (684 настапи)
- Пиет Шријверс (576 настапи)
Успех на интернационално поле
На интернационално ниво, холандските екипи имаат фантастичен успех, но поголем придонес имале во минатото. Според статистиките, холандските тимови биле крунисани како шампиони во најпрестижните европски купови на 13 наврати. Покрај тоа, изгубиле финалиња на 10 наврати. Според самото натпреварување, бројките им се следни:
- Лига на Шампиони: 6 титули, 2 изгубени финалиња
- Лига Европа: 4 титули, 3 изгубени финалиња
- Европски Победнички Куп (веќе не постои): 1 титула, 1 изгубено финале
- Конференциска лига: 1 изгубено финале
- Супер Куп: 2 титули, 3 изгубени финалиња
- ФИФА Клупско Светско Првенство: 3 титули, 1 изгубено финале
Најдобри стрелци и познати играчи низ годините
Бројките кажуваат дека најдобриот стрелец во историјата на Ередивизие е Вили ван дер Кујлен – 283 голови. Руд Гилс е зад него со 260 голови, а топ три листата ја заокружува легендарниот Јохан Кројф со 203 голови.
Неколку дополнителни играчи кои играле тука и вредат да се спомнат се Робин ван Перси, Клас Јан Хунтелар, Рој Макај, Кристијан Ериксен, Луис Суарез, Руд ван Нистелрој, Дирк Кајт и Лук де Јонг.
Формат на лигата
Ередивизие лигата вкупно брои 18 екипи кои играат вкупно 34 кола. Првите две екипи добиваат автоматско место во Лигата на Шампиони, додека третопласираната екипа игра квалификации. Четвртопласираната екипа добива промоција во Европа Лигата, а екипите кои се помеѓу петто и осмо место играат плејоф за пласман во Конференциската Лига.
Последните две екипи испаѓаат во втората холандска лига, а 16-то пласираната екипа игра плејоф за опстанок.
Пратете ги натпреварите во Ередивизие со Sport365
Покрај табелата на Ередивизие, Sport365 ви дава пристап и до самите натпревари од секое коло. На нашата веб-страница можете да ги прегледате сите денешни и утрешни натпревари. Ако сте ги промашиле вчерашните исходи, немојте да се грижете. Ние имаме посебна секција и за натпреварите кои се одиграле вчера. Покрај сето ова, нудиме и преглед на резултати во живо.
